كتاب معجم أسر بريدة

(باب الألف) - ابن أحمد - ج: 1 - ص: 471

نسيت الركض بالطايه ... لي صار بدارنا شبه

لي جابوا فضلة القرصان ... نتسابق ودنا نلبه

نسيتي إزعاجنا لامك .. وهي بالحوش منكبه

نسيتي معلف أم العوف ... تظفينه وأنا أكبه

نسيتي ثوبك التنتر ... وغيظك لي انقطع حبه

لي جابت أملك الوازلين ... نهج للحوش ما نحبه

تبي تدهن قوايمنا ... وحنا نهوش ما نحبه

نسيتي بسطة عزيز ... الي جا العصر بالقبه

نسيتي خرطه الماصل ... يجيب الحكي من عبّه

نسيتي القربة الشنه ... وماها البارد نقبه

نسيتي قولك معصقل ... وانا أعيرك يا الدبه

نسيتي نعالنا التليك ... هي الموتر ونلعب به

نسيتي من كثر ركضك ... أنا مسميك يا الذبه

نستيت موعد الحنَّا ... إلى جا صابكم خبه

نسيتي طيحتك بالليل ... وهي ظلما وأنا السبه

نسيتي أكلنا الهبَّود ... نتناقر والسبب حبه

وأمك لي تهاوشنا ... تحط بعيوننا شبه