كتاب مجلة الأستاذ

العدد ١٣ - مدرسة البنات - ص: 298

ومليح وثمرة الأديان حفظ النفوس من الفجور والتعدي على الغير وحيث الإنسان على السير المستقيم والمحافظة على حقوق أخيه وجاره ووطنيه.

ح. أنا لا أعرف الصلاة ولا الوضوء. ن. في الدرس الثاني تعرفها إن شاء الله تعالى.

[مدرسة البنات]

حفصة وبنتها سلمى

. ح. يا بنتي انت كبرت وبقيت عروسة حقك دلوقت تمسكي شغل البيت ولا تخلي حد يعمل حاجة على شان تتوضبي من دلوقت يا سلمى. البنت أما كانتشي تفتح عينيها وتتعلم كل حاجة تبقى زي قلتها. يا ترى يا بنتي إذا تزوجت في بيت ولك فيه سلايف والاَّ أخت لجوزك والا قرايب وكنت لوحدك لا معاك جاريه ولا خدامة اللي رايح يعمل لك حاجتك مين سلفتك وإلا حماتك ولا أخت جوزك. وخليك اجوزتي في بيت ما فيهشي حد غيرك مين يعمل لك حاجتك إ كنت فاكره في غنى ابوك وخدامينه دا يبقى عقلك بطال افتكري أنت في جوزك اللي رايحة تعاشريه طول العمر بلكي يا بنتي كان فقير ولا كان غني وافتقر تعملي ازاي وقتها يا ترى تقعدوا من غير أكل ولاَّ من غي نوم ولا من غير لبس هدوم ولا تعملوا ازاي. س. هو انت قدمتيني الحاجة وأنا قلت لا موش تقولي لي اعمل ازاي. ح. شوفي يا سلمى يا بنتي أول حاجة تلزم الست منا انها تعرف ترتيب محزنها تحط السمن في حتى نظيفة متغطي طيب وتمسح الماعون من برا كل يوم احسن ما يجي عليه الوسخ وينضح على السمن وترمي عليه فوطة الغطا على شان