قصيدة الدوّاي في الحج لأهل الكويت
بأمان الله ياناس من الديرة نوو يمشون … ومخليين عوايلهم رجا في رحمة الوالي
مخليين بعض جهالهم من عقبهم يبكون … يبون المغفريه يتعادل وزن الاعمالي
صغير السن عقب أهله يبيح خافي المكنون … تشوف الدمع من عينه على الوجنات همالي
عساهم عقب غربتهم لاهلهم والوطن يلفون … رجيته من كريم ما لنفعه جنس واشكالي
حدر راية جليل الملك والحاكم لهم ممنون … صباح الله يديمه ما غفل عن شعبه الغالي
خفض من راتبه للشعب عد اثنين بالمليون … يبيها نفعة للي وراه عويش جهالي
يراعيهم بعين العطف شبه الجوهر المسنون … ولا منه حمق يأثر على ماضين الأفعالي
يعل الله يقبل سعيهم ويبعد الشاطون … يصبر الكل منهم منزله في ركن وظلالي
بأمان الله يا ناس من الديرة نووا يمشون .... مخليين عوايلهم رجا في رحمة الوالي
قصيدة له أيضًا في شهر رمضان المبارك
عسى الله ما يفلسنا بشهر الموسم المذكور … وهو شهر رمضان اللي يتفضل فيه الاحسان
يجي للمسلم المخلص اليا طالع هلاله طور … لاجل في قدرة الخالق تنزل فيه قرآن
اليا منك عزمت المسلم الصايم على الميسور … تجي الحسنى بعشر أمثالها في كل ميزان
ألا ياليت بعض الناس يسمع من صديقه شور … اليا منه عطاي الله يتم شروط الاركان
يسايل في سبيل الخير في بر وبلد وبحور … علشانه يجي من جملة الجاهات ربحان
ولكن العرب فيهم مصيب وفيهم المغرور … ليا قلت الطريق يمين قال يسار غلطان
توضح له معان يا صديقة لا يجيه قصور … سمع راع الدليل السنع والعوجان عوجان
عسى ربي يعز بلادنا واللي عليها سور … معازيب الضعيف ليا عجز والشوف مدان
اليا منه قصر شوفه ركيك الحال وأبو بزور … يجي بينه من الثروة وكثر الخير مليان
وكذلك وان تشكي من محله خاطره مكسور … يجيه اليا محله عبوة للبيت بنيان
يجي عقب الكبارة فيه ليوان وسطح ودور … من بركة البلاد اللي تعز الجار والعان
يراعون الفقير الله يرعاهم بخط النور … يعل الله يجازي الحسنى بالاحسان
إلا يا ويش عذرا صيبها يظهر مع الحنجور … نماها مع جماها حدر قدرة رافع الشان
ولا تصبر عن الماء ربع ساعة في مطر ودهور … واليا تمت عن الماء ربع ساعة عمرها فان
