كتاب معجم أسر بريدة

باب النون - النداف - ج: 22 - ص: 35

من العجائب ركبنا فوق سيارة ... عِمْي عيونْه وخرباناتٍ اكفاره

عذلت بربعي بتسياره ومعباره ... وعيوا يطيعون وصار المستوي داره

الصبح من بقعة (النداف) وجداره ... والظهر باثلة عجوزًا صار مقداره

سيرنا بعزر لحد المستوى داره ... تَحَروْلت به ولا احد يعطى أخباره

قام أبو طامي سرى بردود سيارة ... صبَح أبو فيصل من حرار تشيع اذكاره

أرسل لنا سيارة تشبه الطياره

و(النداف) فرع من العرعور الذين هم من الطريمان.

ولإبراهيم بن سعود النداف شعر قوي منه قوله يخاطب ابنه سعودًا:

يا سعود ربعك تركوا طاري الصاع ... اشوف راع العيش مد يكيله

مستانس ومكيف يجي ارباع ... مستانس ما هوب ينقص زبيله

أن جيت راعي التمر يا سعود ترتاع ... تنفض ايدينه عند تمرة حويله

إن جيت راع الشكر إلاه طماع ... الشكر غالي والدباره ثقيله

شبهت ميزانه تقل وصف دَقَاع ... اخذ قروشي ورحت معطين حيله

جيت اللحم قالوا لي الراس وكراع ... بريال والا نزِّلة لاتشيله

قلت اطلعن واجيبهن لك، ولا طاع ... طلعت ما حصلت غير الفشيله

جيت أبي لي مقطع قالوا دَراع ... وعيا يزود للسريِّج فتيله

قلت:

أبي لي بشت ضافي يضرب القاع ... ومخيط وابي بجيبه عميله

قال:

دور بشيت صافي اللون رقاع ... قدرك قصير ما تضفضف شليله

قلت:

أنا أحمد الله عندنا قطعة شراع ... ما أناب ابي انصب عند ضافي الجديله