كتاب معجم أسر بريدة

(باب الجيم) - الجبر - ج: 3 - ص: 176

قلت:

المدعي خصمي هو اللي شكاني ... مانيب لمه ميرشره بلاني

انا عنه غافل واشوفه دهاني ... حط بي عذاريب كثيرات وطوال

قال:

وش عندكم ياهل العلوم الجميله ... وراك على المسكين ضيع دليله

عطنا اعلومك كان تبغي فصيله ... والا انحكم بالشرع من دون الأقوال

قال:

أدعي ياشيخ والحق مريود ... والحمدلله صاحب الخير والجود

ولاني ضعيف له، ولانيب مضهود ... وييزين حقي ما نبي منه الأفضال

هذا ظلمني قال زرعي رعيته ... يوم انه مات الزرع حطن كليته

ماني سروق وافقن وسط بيته ... حتى يخوفني ولاني منه ذال

زرعه ردي مانفع به سواني ... والي بروسه غافل ومتواني

يومه هفا زرعه علي طول جاني ... وخلان بين الخلق نطولٍ وبطال

قلت انتبه يا شيخ لا تصدق القول ... هذي عصافير مشافيق ونغول

زرعي كلنه ما بقي فيه محصول ... والطهبله يا شيخ خله على الجال

لي صار بعد الشمس جمع جنوده ... كنه خيال مرزمات رعوده

والنقص ما همه بهونه وكوده ... حنا تعبنا به وهو رايح البال

الشيخ قال احسن لكم درب الاصلاح ... تصالحوا والبال يصير مرتاح

والله يقوم بعون من كان فلاح ... واللي صبر يثاب في كل الأحوال

الصلح وش لونه الي صار يرمين ... باروده على كتفه كل صبح مثقفين

احكم لنا بالشرع خل الحواقين ... الصلح ما ينفع الي صار بقتال

قال:

انت يا العصفور لا تجي الأسراف ... خلوا ثليل الزرع روحوا للأطراف

لي صار الضرر بين، واضح وينشاف ... فانت الذي اخطيت في كل الأقوال