كتاب معجم أسر بريدة

الجديعي - عرائس الشعر - ج: 3 - ص: 259

واظن ما له رغبه يبي تجديد ... همه شغيله مدبح بالدكاكين

قلت:

اجل امشي لاهل العرف والكار ... دقاقة للهيل، شبابة النار

قولة تفضل دائما عندهم كار ... كل يعرفهم عند حراج البعارين

قالت:

أعرفهم زين ولا هم ضمايم ... مير يشغلونن دائما بالعزايم

من ينطح المطبخ على الدوم دايم ... زيدي بعشانا عندنا زود ضيفين

قلت:

اجل أمشي لم ذباحة الحيل ... اللي يبيعون اللحم ما بهم قيل

انشدي تراهم من خيار الرجاجيل ... ولابد بالرجال خمعه على الطين

قالت:

رديتني للي يغشون واكذاب ... اللي يبيعون الركب هي والاذناب

يجمع عظامه لعميله والاجناب ... واللي يفتش عندهم ياخذ الزين