كتاب معجم أسر بريدة

الجديعي - أنواع التمر - ج: 3 - ص: 281

تقول قضيت وخلاص ... وهو باقي (الأخلاص)

يوم هو بقياع الجصاص ... يطلع الدبس الجميد

لا تنسي نبيتة علي ... خل الثلاجه تنتلي

وهي اللي تمره شهي ... وقت افطارك والجليد

والرشوديه لك زهاب ... مضمونه عن الخراب

ولا يجيك العتاب ... لي جا شي ما يفيد

وأيضا عندك الروثانه ... لي خرفته في أوانه

ترى خرابه اذنانه ... بادر خرافه تفيد

وبعد هاذولي سباكه ... اهون لضروسه واحباكه

لو انه والله لكاكه ... عند تلقيحه كود تزيد

نبتة القرعا يا راعيها ... له ناس دائم تراعيها

اللي يعرفه يشتريها ... حيث ان هلها اجاويد

وأضف عليها أم كبار ... أكله زين وسعره حار

من طيب أصله القرار ... ييزيك اسمه بالنشيد

سلطانه وقت الخراف ... ساطع بياضه وتشاف

لقيطه دائم انظاف ... انشد عنها لا تحيد

نبتة سلمي حيثه تصيف ... بسره زينات ونظيف

اللي ياكلها ايكيف ... ام البسر اللي نضيد

والفنخا والمكتوميه ... حول بعضهن بالسويه

والفنخا ابرد اشويه ... عند الحمو والتبريد

والشقرا ام القصيم ... سمي عليها الهضيم

شكله شوي وعديم ... ارجع لمه لا تحيد

القطاره والخضريه ... واللاحميه ومكفوزيه

وام الحمام اكويريه ... في وقت ما هو بعيد

عندك عريمه وصقعيه ... واللي تسمى ارزيزيه