كتاب معجم أسر بريدة

باب الخاء - الخليفة - ج: 5 - ص: 196

ومن قصائده في الرثاء هذه التي قالها في رثاء عمه صالح بن محمد الخلف ووجهها إلى والده عبد الله الخلف تعزية بشقيقه صالح، قال:

يا الله يا المعبود يا خير والي ... واحد ولا غيرك من الناس ندعيه

جزل العطا يعطي ولا هو يبالي ... يا من وعد داعية في بسط آأياديه

تجبر عزانا اليوم في فقد غالي ... اللي رحل والناس بالخير تطريه

عمي شقيق ابوي راع الوصالي ... خمسين عام له لزوم يلاقيه

ما يهتني والهرج ماله مجال ... لامن فقد غاليه ارسل بناديه

اخوة ماله شبيه ومثال ... مضرب مثل الناس بأول وتاليه

صبر على ما جاه دهر وليالي ... ما قد شكا للناس مما يعانيه

يرجي عطا واليه جزل النوال ... يا الله عسى الفردوس يا رب تجزيه

يا بوي لو تبكي كريم الفعال ... معذور والعشرة لزوم تبكيه

يا ما من الدمعات شفته قبالي ... وقت المرض والناس يومه تعزيه

يذرف غزير الدمع بالخد سالي ... عشرة عُمُر وشلون لي صار مغليه

دنياك مجبوله بمر وحالي ... واللي ضحك بالأمس باكر تبكيه

مير العزا فيما ترك من عيال ... قروم الرجال اللي تقفي خطاويه

تلقاك بالترحاب وعنك تسالي ... تسمع هلا واقلط ويا الله تحييه

هنيكم بالبر ماضي وتسالي ... واللي مضى ما ظن نقدر نخفيه

قصيدة قلته خواطر ببالي ... مالي جدا يا كود بالشعر نرثيه

يا الله يا منشي سحاب وخيال ... تمطر على قبره من المزن تسقيه

ويجاور الماضين صحب وآل ... في جنة ماله وصيف وتشبيه

عبد الكريم بن عبد الله الخلف

بريدة ١٣/ ٤/ ١٤٢٨ هـ

وهذه مرثية قالها في رثاء الشيخ عبد العزيز بن عبد الله بن باز المفتي العام للمملكة العربية السعودية - رحمه الله: