كتاب معجم أسر بريدة

باب الدال - الدوسري - ج: 6 - ص: 352

تركض تبي حظك ولا هوب ما جود ... ويجيبك الله لي على غير صِرْفات

قلت:

ما أبيك لا تكلف ولاعَنْ تنحاش ... يا حظّ أنا ودي مع الناس اعتاش

ماهوب انا وايّاك نمشي على اللَّاش ... وصط البلد مثل الحريم المْخَلَّات

قال:

اطلب الله مقعد الحظ لي نام ... اطلب وليَّ العرش والناس نيَّام

علام ما بالغيب واللي بالارحام ... يفزع لحظك والليالي مقيمات

والَّا انا لا هايش ولا قايلٍ شين ... هذي عندِّك وأقِعْدَنْ كان تبغين

والحظ ما يقعد بلجة وتلعين ... مير استعن بالله وْخَلّ التنهَّات

* * *

يا رب تقعد حظّنا من منامه ... تراي انا ببلاه مثل الطغامه

انوح من فرقاه نوح الحمامه ... نوح الحمام اللي سْبوقه قصيرات

* * *

أمس الضحى دَشَيت دار الأجانيب ... العي كما الورقا، واقنب كما الذيب