كتاب معجم أسر بريدة

السلمان - شعلة الوطن - صالح السلمان - ج: 9 - ص: 622

ورثاء الشاعر عبد الله بن علي الجديعي، فقال:

هات القلم واكتب جوابي على الزين ... مع العزا وردافها بالتحيه

اعزي نفسي والابطال الحبيبين ... وهل بريدة وهل الفايزيه

وكرر التعزاة مني ملايين ... لاهل الثنا والمجد وأهل الحميه

واعزي السلمان لوهم بعيدين ... وجميع من يمشي ويذكر ألحيه

الله يثيب اللي على الشهم باكين ... أهل القلوب الصادقة والوفيه

ديرة بريدة لا تموجي وتنوحين ... على فقيد راح ما هنالك جيه

الموت حق ولا من الحق جزعين ... لشك صالح بالقلوب الخفيه

ياكثر من الشيخ صالح مصابين ... ركن رحل من بيننا واهنيه

ياكبر فرجة صالح يا المحبين ... يا شوي من يفعل أفعاله وزيه

تبكي عليه ابكار وضح مزايين ... حنين ها الزينات تسمع دويه

اللي لبنهاجسمه للمصاخين ... لي راح الأول جاب صطله خويه

تبكي عليه أم اليتامى المساكين ... اللي معودهم بكثر العطيه

تبكي عليه الرمل واللي مفلسين ... اللي لهم عادات ماهي خفيه

والسكري واللي يجي بالمواعين ... لي جيت وقت الصبح صطوله مليه

* * * *

عساك يا صالح بجنات عليين ... وعساك من اللي ماقفه مع نبيه

الله يجبرنا على صاحب الدين ... راعي ألوفا والجود وراعي الحميه

مخابز السلمان بكي وعزين ... ونا على دوري أعزي الركيه

يا باكيا صالح تراكم مثابين ... الدمعه على صالح تراها اشويه

أبو اليتامى والأرامل المعاقين ... من جاه مضهود رفاه بعطيه

يا الله يا قابل صلاة المصلين ... يا غافر الزلات وماحي الخطيه

تجبر مصيبتنا ومن له قريبين ... على الحبيب اللي أفعاله وفيّه

قلته وانا واحد من اللي محبين ... ولاني من اللي يتبعه للعطيه