كتاب معجم أسر بريدة

السلمان - شعلة الوطن - صالح السلمان - ج: 9 - ص: 624

قصيدة صغته على قاف آيا ... جميل رديته ولا أظن توفيه

وصلوا على المختار سيد البرايا ... اللي نشر للدين وبيَّن مباديه

كما رثاه الأستاذ الشاعر صالح بن عبد الله المعتق من المعتق أهل خب العريمضي قال:

عزون وعزّوا من سكن في بريدة مرثية صالح بن عبد الله المعتق في فقيد بريدة الشيخ صالح بن عبد الله السلمان رحمه الله:

عزون انا ياللي حضروتو إتعزّون ... عزّون وعزّوا من سكن في بريدة

وعزّوا يتيم يتفل الشري مطعون ... قرابته مافيهم اللي يريده

وعزّوا عجوز زود شوفه غدا دون ... رملا ابدنياها تعيشه وحيده

وعزّوا فقير تحته عيال يبكون ... ضاقت عليه اليوم ماهيب بيده

أو عزوا كسير بيته اليوم مرهون ... أحلام تسديده يشوفه بعيده

وعزّوا كواشيت الركيه تلاقون ... اكبودهم نار تلهّب شديده

ياسرع ما تقفل بحبس اوكيلون ... من عقب طلق الوجه ياقف وريده

يا كثر والله ماتبي تبكي عيون ... على الذي ما شح يرفع رصيده

يبكون مثلي بالبكا ما يلامون ... لو البكا للي رحل ما يعيده

ابكي على اللي يجلي الهم محزون ... ما قدر على وصف الشعور ابقصيده

من عقب أبو سليمان مدري وش تكون ... باهقوتي تتعب نفوس عديده

شفت الكرم والجود بالقبر مدفون ... فقيدةٍ واوي والله فقيده

ماله عدو والناس بالحيل يثنون ... اللي حضر واللي نشر بالجريده

لعل قبره روضةٍ كله غصون ... خضرًا وبالفردوس ربي يزيده

عساه من اللي بالقيامه يسَرُّون ... يوم به الأعضا علينا شهيده

إن كان عَقبه صار مثله تبي تهون ... على جموع عزّها تستعيده

هذا الأمل واللي مقدّر يبي يكون ... ندعي ورب البيت رازق عبيده