كتاب معجم أسر بريدة

باب الصاد - الصقعبي - ج: 12 - ص: 197

الكل منهن ما بعد ناشوا حماه ... ولا هي من اللي وردوا من فلسطين

والاجنبي لو هو يبينا صرفناه ... ونفسي عزيزه يا ولد ما تبي الشِّين

والزين لو أنه بعيد طلبناه ... واللي يجي للسوق ماهوب مرضين

والي عمرت الدار وأحكمت مبناه ... إن ما ضبطت الساس يخونك الطين

وكتب صالح الإبراهيم الجار الله بعد ذلك إلى الصقعبي وخاطبه بقوله: أبو صالح لأنها كنيته فقال:

يا راكب اللي للحمل ما بعد شال ... من مصنعه جبناه ومرسمينه

توه جديد ما وقف عند دلال ... إلى مشي ما بان حسّ المكينه

ودريوله يا مسندي خوش رجَّال ... أهل المواتر لهم فاهمينه

يلفي لابوصالح وخَلُّوه شَغَّال ... يسمع جوابٍ تَوِّنا قايلينه

راعي معاميلٍ وللضيف مِدْهال ... الأجنبي واهل البلد عارفينه

له كلمة ياني بها حين ما قال ... والي تھهيا لازم خاطرينه

مالي نظر يا القرم في بدع الأمثال ... وكل التغزل بالهوى عايفينه

درب الهوى عفناه ما هو على البال ... وكل الهوى لاهل الهوى تاركينه

ومطالع الازوال يا أخوك غربال ... وعزي لمن مثلي تبيح كنينه

البارحه دمعي على الخدّ هَمَّالْ ... على الذي شفته خزرني بعينه

تسببت لي جادَلٍ سَمّت الحال ... من شوفي صفة الذهب في يمينه

وانا اشهد إنه للعشاشيق قتال ... وياليتهم لي بالثمن بايعينه

توه بغض صباه ما جابت عيال ... هي غاية المطلوب عدة سنينه

ابوقرون فوق الأمتان ميال ... مسك وزباد توِّهم جادلينه

لو اتمنّي قلت: ياليت من نال ... ويالتينا لحمى الغضي داخلينه

عز الله انه خلت القلب بخلال ... من شوفتي للترف عيني حزينه

من شافني يقول ذا فيه سلَّالْ ... وكل الاطبا علتي شايفينَه