كتاب معجم أسر بريدة

العبودي - القدر يسبق الإخلاء - ج: 14 - ص: 414

وسط شكك تهت ما احدٍ دلني ... لو حلفت أيمان بالله ما كفاك

ما أحد مثلك قهرني وذلني ... دايم تخطي وانا اتحمل خطاك

كلما جيتك أبشكي لمتني ... لين صارت راحتي كله جفاك

لا تفكر يوم أجي لك منحني ... لو أعيش لوحدي ما عشت بسماك

وقال:

يا رمالًا كحّلت عين القصيم ... والنخل كمّل بحسنه رمشها

والعيون تهل دمعٍ مستديم ... ينبت الأشجار صافي خدها

ريقها سكر نباتٍ جاه ديم ... وآهني من ذاق صافي ريقها

مع طلوع الفجر هبات النسيم ... تمشط النسمات ضافي شعرها

امنا بريدة وانا فيها مقيم ... والبلاد الباقيات اعيالها

والرمه وادٍ يمر فيها عظيم ... لي نزلت أمطار يثري جالها

ما حلاها لي نكس جوّه بغيم ... وانهمر سيل الوسم بارياضها

ومن أسرة العبودي عدد من خريجي الكليات وعشرات من المدرسين لا داعي لذكرهم، وإنما نذكر منهم:

محمد بن عبد الله الناصر العبودي ضابط رائد في الملحقية العسكرية السعودية في لندن.

ناصر بن عبد الله الناصر العبودي متخصص في المعدات الطبية في المستشفى العسكري في الرياض.