كتاب معجم أسر بريدة

العوني - الأمان للعوني - ج: 16 - ص: 317

اشكي على اللي سير الغيث بغيوم ... يفزع لمنيوب عليه الدهر مال

* * * *

واخلاف ذا، يا راكبين ضحى اليوم ... شالوا عوايزهم على كل شملال

تريضوا مقدار ما اقول واقوم ... واكتب بصفح الطرس ما هيض البال

فلا لفاكم ياهل الهجن مرسوم ... ماناب اوصيكم على السير لو طال

ما اشوف بالراضة سداد الملزوم ... العزم قضاي العوايز والأشكال

* * * *

يا ركب همّوا هرّب درَّب كوُم ... حيل مرآميل من القفل نحَّال

اليوم والليله يبوجون بخروم ... والصبح شافوا دار ذربين الأفعال

يبين لكم قصر طويل او مزموم ... في جانب البطحا شلع كنه الجال

مناخكم به عند طاحوس ملزوم ... في جاله الغربي على ذيك الأظلال

تلفون عز الدار والجار بعلوم ... ورسالة مني شكينا بها الحال

ابدي بها سدّي وذنبي ومكتوم ... سري، وزلاتي لكساب الأنفال

لولا الخمال وما تصور به اللوم ... ما كان صار العفو له سائل سالال

العذر منكم ياولد فيصل اليوم ... والاّ امس ذنبي شايله الف رجال

تزينوا عندك وخلون مذموم ... زلفون بالحفره وهم نطوا الجال

احكام واقسام جرت بي كما النوم ... والاّ فانا معكم على كل الاحوال

عشرين عام بالرضا والزعل دوم ... تدارجت ما بيننا والقدر حال

وانا لكم عبد مليك او ماسوم ... الاّ ولا قلبي نوى فيكم ابدال

لا شك طبع العبد لو طاب ماشوم ... لابد به بوق ولو صار رجال

* * * *

يا شيخ لا تسمع بنا قول مذموم ... اعذر او سامح وانت للخير فعال

وان ما سمحت وقلت ما فات مدموم ... واللي ابخاطر ليث الأقطار لي زال