كتاب معجم أسر بريدة

(باب الجيم) - الجديعي - ج: 3 - ص: 235

وقال الجديعي أيضًا في القويعة:

القويعه صبت صويت مسيان ... تقول زاد الهم والليل جاني

من جيت لمه صك بابه وخلان ... واهل الفلايح بطَّلوا السواني

وان رحت للبر جاني الجرّ شقران (١) ... ضاقت عليَّ الواسعة والمباني

مرت علي تقول: تكفى يا أبو فلان ... شف لي طريقه كان تبغى الحساني

حط لي زريع يجلي الهم وأحزان ... نسوي بنا معروف والوقت فاني

قلت: اعقبي يا الماكره ما بك حْسان ... ما عندك الفلاح غير الهوان

إلى نزلتي بأرض تصير قيعان ... انت خراب العيش باول زمان

هذاك تقومين السحر وقت الأدَّان ... قبل يبين الصبح وانت طيران

حرثت المزرع وهو ما بعد بان ... تدورين الحب بأخفى مكان

قالت:

من ردي حظي يا جماعه ونقصان ... أشكي عليه الحال وهو يعصاني

أنا فقيره لاتردن لحقران ... شف لي طريقه يا السنافي تراني

ما جيت لمك غير حادْن زوْيَّان ... تراكم عليَّ البين همّ طواني

انا مسيكينة ولا صار لي أعوان ... الدمع من عيني على الخد بان

داري شجيره وانت نازلٍ نصيوان ... عندك بيوت عاليات المباني

خف بي من الله وابذر الزرع عجلان ... لا تصير حسَّاد بليا حساني

وأنا تراي أرصد الزرع من شان ... انظر عن البعيد وانتم إلا داني

ودي أقاصركم على خير وحسان ... حتى تشوفون الطرب والليان

قلت:

انا قبل خايف منك زملان ... واليوم تقل عندك من القول ثاني

قالت:

أنا واياك نصير جيران ... نبي نترافق لين تالي الزمان

---

(١) الصقر.