كتاب معجم أسر بريدة

الجديعي - مراد مع فتاة وهي من نوع التسلية - ج: 3 - ص: 285

قالت:

اضرب ادريبك واترك العابراتِ ... ما نيب لمك لا تغثن وتوذين

شف البيوت املات بالعانساتِ ... دور بني جنسك على الكيف بالزين

قلت:

والله لوهن كلهن مجمَّلاتِ ... فلا يجن مثلك على الزين وافين

انت لحالك درة بالفلاةِ ... ما انتي من اللي زينهن بالفساتين

خوفي من الله واتركي المجادلاتِ ... تحت جنوب البشت تكفين لفين

خلين اشم الريح لو لحظاتِ ... انكس بعمر زين وانت تعبرين

قالت:

خذ النصيحة قبل أوان الفواتِ ... دور بني جنسك من اللي مسنين

الشايب لي شيب فلابه حلاةِ ... الَّا مع اللي بالمساجد مصلين

قلت:

الشيب هذا صابني إغلطاتي ... تراي صغير ما بلغت الثلاثين

حمولتك يا بنت بهم إفزعاتِ ... وانتي الذي من بدهم تي تشحين

طلبتك بالمعروف قبل المماتِ ... حبة هوي تراه يا الترف تيزين

منيب كايد بس لو العقاتِ ... خلين اشم الثوب من تحت الأبطين

وانا احلف أيمان ومغلظاتِ ... أنه يسدن كان ودك وترضين

قالت:

اخاف تطمع أو تسوي سواةِ ... وتنسى العهد لي شفت لون بلونين

ادور المعروف واحصل شماتِ ... اضرب طريقك واترك الحكي باللين

القلب يابس وأللسين طراةِ ... إلعب على غيري وخل الحواقين

قلت: اجل خذي من هذي الوصاةِ ... خايف عليك من العدى كان توحين

الزين ماهو سارح بالفلاةِ ... ما هي خواصٍ بالشوارع تمشين

قالت:

اقصر لطرفك عند لبس العباةِ ... غض النظر من جنس ناس مغضين

لا تناظر الماشين والمترفاتِ ... يلعب عليك إبليس من دون تثمين