كتاب معجم أسر بريدة

الجديعي - مراد مع فتاة وهي من نوع التسلية - ج: 3 - ص: 286

قلت: هذا كلام قبل لبس العباةِ ... بلاك ما تدرين وش بك تغبين

أنا عزيز النفس ما بي رداةِ ... واعلمك بالصدق حتى تعرفين

واجد الجهام ولا يحرك شهواتي ... لا شك مثلك يالحبيبه يخلين

انتي اخذت الزين عن البناتِ ... من شاف زولك قال: ما فذ به شين

قالت: اجل اصبر عليّ اسنواتِ ... خل استخير وصافي العلم بعدين

خلن اشاور والدي مع خواتي ... واشاور اللي بالمعرفه مديمين

واقول هذا شايب به جراةِ ... لي قابلن بالسوق يقول: حبين

مع الكبر والشيب ايضًا دناةِ ... قليل الحيا ما ميز الشين والزين

قلت: اصبري عندي شهود ثقاةِ ... انه معي عقلي كلٍّ يزكين

يومي لمحتك صار عندي خلفاتِ ... انتي الذي يوم شفت جرمك سبعتين

واتلى ألتلاوي صار حظي شماتِ ... هذا اللي انا حصلت قمتي تعذلين

عطين عقلي راح عندك فوات ... خلين اشوف الدرب مع المسلمين

تراني ما حللك عقب السواةِ ... قعدت وسط السوق كني مجينين

قالت:

لي راح عقلك فانت بالموروراتِ ... خلك بعيد لا تشوف المزايين

لا تقرب الزينات والمعرباتِ ... دور على شكلك من اللي مسنين

قلت العفو يا متابع الطاغياتِ ... زينك هو اللي يودعك به تمارين

قالت:

يالشايب الملقوف ما بك حلاةِ ... خل الهزل واسلك دروب العزيزين

قلت:

الشيب ما هو عيب مير أنت عاتي ... لو تنعشن ما شفت للشيب تلوين

لي صرت ما ترحم ولابك جداةِ ... خل انتجع البارق مع اللي مفلسين

قالت:

امسك طريقك واترك الغافلاتِ ... عليك بالمقبل وخل المققّين

أنا وجنسي ما لنا بك شهواتِ ... عذر العقل اللي يعضض بالايدين