كتاب معجم أسر بريدة

الرشودي - خط فهد الرشودي - ج: 7 - ص: 434

السلام عليكم ورحمة الله وبركاته، مع السؤال عن حالكم، أحوالنا الحمد لله جميلة، بعد ذلك هالسنة إن شاء الله نبي عيالنا يحجون ولابد الرشيد كذلك ومعلومكم نحتاج لرحلة كثيرة ولابد من تحضيرها من اليوم، والحجاز ما فيه بعير صالح، وأيضًا حنا اليوم الحاضر ما عندنا دراهم، وإن كان الخير واجد من فضل الله لكن الشي بقبول ما بعد صار دخل له راس، الداخل اليوم يا الله يكافي أمور أهله، ولكن الخير في إقبال إن شاء الله، بقي بالحاضر حنا نبي لنا من أربع مائه مطيه إلى خمس مايه يكون لا تقصر عن الأربع وإن كملت الخمس فلا تذخرون ومطلوبنا إمّا رحول جبره سمين شيب أو ذلول ناطح، الجمل والناقة والحاشي ما لنا فيهن نظر، موجب تدرون هالدرب يبي شي ناطح أيضًا شيء يصير له أولة وتالية، وحنا كاين عندنا معلوم إنكم ما عندكم دراهم لكن تشوفون لكم سنع تاخذون بضايع من النّاس وتشترون المطلوب وجميع ما تشترون فهو على نصيبنا سالمه وغادره علينا، وحنا نجري لكم العشر أحد عشر.

والظن إن شاء الله إننا نرسل لكم الدراهم كلها أو ما يقاربه قبل تكملون المشترا موجب مثل ما ذكرنا لكم الخير بإقبال من كلِّ جهة فأنتم مثل ما عرفتكم توكلوا على الله واهتموا في مشترا المطلوب وهذي نفعة للطرفين لكن مثلما بينا لكم الذكر والناقة والدق مالنا فيهن نظر لأجل ما همب صالحات لها الدرب ولا فيهن لنا سدّ نوب، المطلوب إمّا رحول شبب ناطح وإلَّا ذلول جبره سمين وتكرير التعريف مما بالخاطر والا مثلكم الإشارة كافية.

عاد إن شاء الله حال ورود خطنا تراودون في هالأمر وتوكلون على الله وتهتمون في مشتراه ومثل ما عرفناكم لا يقصر عن أربع مايه وإن أمكن تكملون خمس ميه فهو المطلوب.

بقينا سبحان الله إن كان تشوفون إنكم ما تمكنون على قضبان اللازم