كتاب معجم أسر بريدة

(باب الراء) - الرميان - ج: 8 - ص: 130

وقلت آه وين الطيب من اللي غدا به ... يا الله للطيب مدد منك بالعون

النادر اللي كل افعاله طيابه ... والنذل نذل لوملك مال قارون

ولا خير في مال كثير حسابه ... لي صار عن حاجات الأيام مصيون

ولا خير في مربا قصار هضابه ... ولا يكتمل مخ بلا سمع وعيون

ولا دولة لها كيان أو مهابه ... الالها رأس وارجال يعينون

ولا ظالم يبقى وخلفه طلابه ... فالحق طلابه وبه ناس يسعون

ولا يفتخر رجل بلايا قرابه ... أو لا خير في قرابة ما يحامون

ولا ينقه العطشان ملح شرابه ... ولا يرتفع مبني بلا ساس وركون

ولا ساري إلَّا بنجم سري به ... والنجم عرفه له أشخاص يسمون

ولا يكترب حبل قوي طنابه ... الا انبتر والا غدا البيت مشطون

ولا يشتكي أحواله لهيس زلابه ... الا قليل العرف وإلا فمجنون

ولا ينغرس غرس ردي ترابه ... فالغرس يبي جذور وفروع وغصون

ولا بارق يبرق ووصلك سحابه ... اكيد يمطر مي عندك وتروون

ولا كل من ينصح ويعطيك إجابة ... تبيح له خافي ضمايرك بالهون

ولا كل زول لو مقامه طغي به ... لو رتبته عليا رفع كرب مغبون

ولا كل من فوض لحل النشابه ... لو راق في عينك على الحق مأمون

والكون به طيب وفيه الزلابه ... وعرق الردي من خالطه يجني الدون

وقصر مشيد وايش لي صك بابه ... جوه الضيوف وعنه قفوا يعذلون

لي صار ما يذري فويش ينبغي به ... عسي شظا نجوم السماء له يهدمون

تكفون يا أولادي خذوا من إفاده ... حذرا الردا تكفون تكفون تكفون

فرجل بلا وجه يلقى الندي به ... مدرك علوم طيبه بأي قانون

من رافق الرديان حاش الخيابه ... وأصبح ذليل وبفايح الخزي منتون

ولا ينقضب سيف بليانصابه ... لي صار وقت فيه طاعن ومطعون

ولا ذيب إلَّا مرثاته ذيابه ... والكلب يرث كلب والناس يدرون