كتاب معجم أسر بريدة

(باب الراء) - الرميان - ج: 8 - ص: 132

ليت القدر ما صابني في (تهاني) ... ليته من اللي زايدين بالأعمار

زوله يخيل وفقده كواني ... أصبر ولكن تقل في ضامري نار

وكد قال قبلي من يعرف المعاني ... اللي وطا الجمره يبي يوجس النار

يلومني بعض الرجال الهداني ... اللي عن الرحمة دنت فيه الأشبار

القاسي القتار ما به حنان ... ينصاب لو ينقص من المال دينار

وانا أعرف أن القدر له أوان ... لي جا اوانه جاك قصاف الأعمار

وعندي خبر لو صحت باق الزمان ... ما يرجع الميت ولو صار ما صار

لكن له بقلبي غروس أو مباني ... وايضاله هروج صغيرات وكبار

واسمه اليا اطريته ثقل به لساني ... وزنه تقيل أو يجبرن وال الاقدار

أشكي على الله كل ما كنت اعاني ... حنا له واليه في كل الأدوار

نحيا وينحي بالعمار الزمان ... مثل المسافر تنتهي فيه الأسفار

وناصل إلى المقصود با الديد هافي ... لدار الجزا ما تنتهي فيها الأعمار

احد ينعم بالجنان وحساني ... واحد بنيران مع افواج كفار

ومن شعر صالح بن عبد العزيز الرميان في المراثي":

والله من قلب به الحزن مرجود ... ركنه الأحزان لين ارهقنه

والدمع من عيني تقل فيض راقود ... كل العيون من البكا يزعجنه

على الذي في تالي الشهر مصيود ... ساقنه الأقدار لين ادركنه

واقفي عن الدنيا وخلان ملهود ... أقايس العبرات واجر ونه

ما هو جزع لكن على الأمر محدود ... يحدني حب وعطف ومحنه

والثانية ما هو القبر مردود ... والله لو ونيت مليون ونه

جبري على الله واحد خير معبود ... اللي خلق دنيا او نار وجنه

هذا وحبل الموت للخلق ممدود ... شال الصغير وشال من كبر سنه