كتاب معجم أسر بريدة

باب السين - السمحان - ج: 10 - ص: 399

كيف حلم الليل جدد هاجسي ... كيف جاب اللي ملك نفسي غلاه

ليت هالرؤيا تحقق والتقي ... مع عديل الروح واسعد في لقاه

مير كيف وحاجز الفرقا نصب ... بيننا واللي بناه احكم بناه

يمكن تشاهد بالنظر

ادخل على قلبي وشف وش يبي بك ... اما اقنعك والا رضي واقتنع هو

أنا تعبت من الزعل والحكي بك ... ثلاثة اشهر وآخر محاولة تو

قلت انك المخطي ولا طاعني بك ... قلت انك المظلوم .. قال: أي بس لو

و(اللو) هذي خيطها ينتهي بك ... وانت الذي تملك لتحليلها الضو

أنت الذي تقدر تعالج نصيبك ... وتبذر بذور الشوق مع موسم النو

قم قبلما يسر الجفاف بحبيبك ... ادع المطر وإلا على عاتقك رو

اخلق فرص عجل ترى ما يعيبك ... هذا .. ولا تسأل عن الدرب وش هو

يمكن تشاهد بالنظر ما يريبك ... أو تسمع أصوات تعكر صفا الجو

لكن تصور وش كبر فرحتي بك ... واعمل وجنب قيد لا تسوي وسو