كتاب معجم أسر بريدة

باب الصاد - الصبيحي - ج: 12 - ص: 93

طالت الغيبه وطقن الجلود ... رزقكم مضمون لو ما تغتنون

لا تحسب العز في جمع الحلال ... والمنيه يدفعه كثر الريال

من دنا يومه وجاه الموت شال ... يكفي الملبوس واكل بالبطون

صح قول الله أو ما يذكر صحيح ... أن راع الكنز ما يثبت يطيح

فوق دك السلك للمسلم سميح ... مثل حد السيف فوقه يمرقون

فوق متن النار منصوب طويل ... للتقي عدل وللكافر يميل

كل من له نية صارت دليل ... والله الخابر على ما يفعلون

افهموا يا هل العقول الساليات ... من تغربكم فكم من حي مات

لا تحسب العمر دايم يالحياة ... عطا قلب الداله السالي جنون

يوم بالعسكر نويتوا بالمسير ... خفوا العقال منكم كالسفير

ما بكم رجل على الجيه يشير ... ضاعت ارياكم ولا فيكم اذهون

ما حضرتوا حوفنا دون النخيل ... كل ما نشريه قالوا ذا قليل

قالوا الصبيان توفيكم فتيل ... واربع من ملح زينات البطون

من رصاص الدرج نوفيكم كثير ... بالفرنجيات عجلات الذخير

شغل من هو شاطر فيهن بصير ... رفهن بعقوبهن يحفي المتون

هن اكمام الضد يا خذن القصاص ... يودعن العفن يفرح بالخلاص

لو اضلوعه من حديد فيه ماص ... لان من ربع أيهدون الفتون

وانت يا راشد على شط الفرات ... نازح بالبعد مالك به شفاة

اعرف اني يوم اكزلك الوصاة ... وازعج المرسول وومي بالردون

اذكر أبو لك وطفل لك صغير ... ما يذوق القمح ماكوله شعير

وانت عند الخبز حقك به كثير ... داله عنهم وهم ما يدلهون

ما اظن البر في راشد يضيع ... قاله الشايب وانا جيته مطيع

قال لوحدن عن الممحل ربيع ... قلت ما قدر وما يكتب يكون

ناصح لك يوم اقول اقبل لبوك ... باغي عمك تشوفه هو وخوك

ما ورب البيت عندي به اشكوك ... غير جمعاكم ان كنتم تفهمون