كتاب معجم أسر بريدة

الصغير - شعر الصغير من أفواه الرواة - ج: 12 - ص: 166

وقوله:

لو بغت نجد تصفي ما نخلِّيها ... دام ما صار راس سنانها منا

الحرايب نولعها ونطفيها ... كلما شبَّ حَرْبٍ شعْلِتُه حِنَّا

وقوله:

لابتي حنا شبوب الحرايب ... لي طفت حنا سنا نارها

لا تطيع بنا كثير السبايب ... قوم لي جا الضيف وش كارها

ما لقينا غير سمر العصايب ... يوم جا العسكر بزمارها (١)

وقوله:

يوم المراجل كَمَّلنِّ ... وولد حسن عَيَّابها

العيون من حِجْلهْ يرنِّ ... عَدْرا تِعلّ خْضابها

وولد حسن هو الأمير صالح بن حسن المهنا أمير القصيم.

وللصغير في سنة الصباخ:

من بريدة ظهرنا ... معتلين الركايب

لابتي يوم سرنا ... تشتعل كاللهبايب

بسعة الله ذبحنا ... كم صبي وشايب

ومن الأشعار الحربية التي ذكر فيها الصغير الملك عبد العزيز بالمدح والثناء قوله:

---

(١) العصايب: العقل السود: جمع عقال.