كتاب معجم أسر بريدة

باب الطاء - الطريخم - ج: 13 - ص: 280

يا نفس يا نفس الخطا كيف ترضين؟ ... بحراني يأخذ قروشك نهيبه

التتن يحدث به رد الحيل والشين ... ما ظنتي ترضين لو هي غصيبه

وين العقل والميز والراي والدين؟ ... تفتك من اللي فيه لوم وريبه

التتن ما به لذةٍ كان تدخين ... له ريحةٍ تفرق حبيبٍ حبيبه

أنا أشهد أنه هو سياسة شياطين ... ما فاز رجل بالعرب يعتني به

راعيه بالحقران بين المصلين ... قل: دل يا راعيه ما اردا نصيبه

راعيه كسلانٍ ولا فيه شِن زينه ... لولا البلاوي كان ما أحد يصيبه

لا شك شورٍ الضدّ وابليس قاوين ... وش حجة المخلوق والله طليبة؟

يا نفس عقب الشيب وش عاد ترجين؟ ... شرب وإياك اكبر مصيبه

من عقب ستين السنة وش تحرين ... راح العمر وانتي تبين الشبيبة

جاك الهرم والضعف والثقل والدّين ... ما عقب ذا غير القبر والنصيبه

الا ان كان انك طمعتي بعمرين ... فهذا تمنُي والتمنّي معيبه

العمر مرة كيف بالذل ترضين؟ ... الذل شين شان من يعتني به

يا الله يا غافر اذنوب المضلين ... يا سامع ذا النون باقصى غبيبه

تغفر لعبد صابه الكبر واللين ... عظمه نحل والزاد ما يهتني به

وتجبر عزا جسم من التتن موذين ... واتعيننا بالقبر عند المصيبه

يا الله ان يحمى جنابه عن الشين ... ما خاب عبد بالولي يلتجي به

صلوا على المختار ما خطّت السِّين ... أو عدّ ما غنّي حمام الجذيبه

على نبي صفوة الخلق والدين ... عطاه رب البيت نصر وهيبه

وقال علي بن طريخم: رجل خباز بالجبيل اسمه سيف يقول أبي قصيدة، وأسلم جائزة قلنا إن شاء الله:

سلام يا الليّ فايق كل خباز ... أنا اشهد انه من خيار الخبابيز

عز الله انه بالخبابيز ممتاز ... ما مثل خبزه لي نظرته على الميز

السيف عند الناس للحق فرَّاز ... إلى اجتمع سيف وراي وتمييز