كتاب معجم أسر بريدة

باب الظاء - الظاهر - ج: 13 - ص: 434

تحرق كلّ يوم ريال ... في نقص الحال الصحيحه

حَسَّب عند اخذ الزقاره ... للمضره والخساره

وافطن للي شب بداره ... سودها وهي وضيحه

* * * *

اغلى ما على الرجال ... نفسه ياعيال الحلال

باكيف تهلك بالحالي ... يرخصها وهي شحيحه

ترى اللي يضر الروح ... لو هو في شيء ممدوح

ماهوب بفعله مسموح ... يكتب جرمه بالصفيحه

ويحاسب على الصغيره ... ويعاقب على الكبيره

ثم اين يجعل مصيره ... في ضيق عقب الفسيحه

الأمن بادر بالتوبه ... الله يغفر كلّ ذنوبه

هني اكله ومشروبه ... في دار زينة الريحه

دار يخلد سكنها ... الله لا يحرمنا منها

فيها جنات ما أحسنها ... توحيد الله مفاتيحه

واركان الإسلام اسنان ... مع طاعة سيد الإنسان

نبي القاصي والداني ... نفس تطيعه مريحه

واسعد النفس المطيعه ... اللي تنهج مع تشريعه

تسكن جنات رفيعه ... واهنيه مستريحه

وصلاة الله مع تسليمه ... على من عمم تعليمه

في تحليله مع تحريمه ... بالسنه بين توضيحه

وقال الشيخ عمر الظاهر في الهجاء:

وش أنت يا مرسل كلامه بقرطاس؟ ... خل العلوم مبينة وابرحية

لو أنت جربت السوالف من الرأس ... وجبت العلوم البينة والخفية