كتاب معجم أسر بريدة

العجلان - تاجر العاقول - ج: 15 - ص: 91

عذراي اللي ذكرته الأشعار ... تمر هضيم اسمها سكريه

من طلعة الجوزا تزهي بالإصفار ... ومرطابها أول اسهيل وتليه

محبوبة لشيبٍ مع أصغار ... وزود الحلى حطها سكريه

وقال في سيارة:

الجيب يشرح ضميرك ... لي صار بالخط تعويق

يسعدك والله مسيرك ... ما تهاب شين الطواريق

حط الدبل وما يضيرك ... يفتح بالدرب طريق

ما تقول هذي مهالك ... يشفيك ويطعم الريق

واطلب من الله يجيرك ... ويكفيك شر الطواريق

والدرب حقك وغيرك ... وابعد أفعال المطافيق

وقال محمد بن علي العجلان المذكور: أرسل الأخ عبد الرحمن الغيث رسالة عبر الجوال أشار فيها لي وللأخوين محمد اللاحم وصالح الجديعي حينما علم بسفرنا إلى فياض الصمان للنزهة حيث قال:

صالح ومحمد وأبو عجلان ... بتمير مع غيبة الشمس

توجه الجيب للصمان ... بخباري وضحى يبي يمسي

قالوا نبي خوتك يا فلان ... أربط أفراشك نبي نمشي

نبي ندورج مع البران ... بكيفة ما لها جنس

قلت السفر للخلاله شأن ... فقع ورمث مع القنص

وقد يسر الله سبحانه وتعالى الرد بما يلي:

أنشدك بالله يا أبو سليمان ... رب عليم فرض خمس

وش قولك بطلعة البران ... مع ربعة كلها ونسي