كتاب معجم أسر بريدة

ومن أسرة البليهي - الشيخ عبد العزيز بن محمد بن إبراهيم البليهي - ج: 2 - ص: 375

إليها وقصيدة يمدح فيها أحد أفراد أسرته وهو حمد البليهي:

قال في حمد البليهي من أسرته:

لي عاضبت قصر البليهي نصيناه ... حمد زبون الطيب القى محله

في حي مشعل كاسرات فياياه ... لا تاصفه للضيف كلٍّ يدله

قصر الكريم اللي جزالٍ عطاياه ... وانا بمدات الصخا شاهد له

ما شح بالوجبة ولا شح بالجاه ... من دون وجهه يرخص المال كله

كريم ومحنك وساع نحاياه ... ما قط واجهته وشفت المذله

صلبك ليا حسك مرض قال عزاه ... يسعى وينشد لين يلقي دوا له

جيته وانا علمي على الكبد مكواه ... ما ابديت له سدي ولا العلم كله

عودك وصلك ويابسات شفاياه ... الريق ناشف ماش شين يبله

* * *

يا بو محمد قبلنا كم من تاه ... العلم وجهته وباقيه حله

حمد تجمَّل يوم جيته وزرناه ... قد رحبوا بي ما رفض واستزله

تجمل الطيِّب بفعله شكرناه ... اللي وفي يوم المزاهب مقله

راسه رفي وطيب الذكر مرخاه ... ما قال ابن هزاع خَلّه لعله

الزمل تقحص لو ايدينَهْ مثَنَّاهْ ... وابو محمد ثار با الحمل كله

ما طاوع اللي بايراتٍ حكاياه ... هاك النفوس اللي علينا مغلّه

العبد لو يجحد كثار خطاياه ... كل النفوس معرِّضه للمزله

النفس خطره كل شين تمناه ... تبي تحوش اللي على الأرض كله

أسلم وسلم عد رملٍ وطيناه ... عسى الخواطر صوبنا مسفهله

وقال في بني عمه وأسرته وهو يخاطب ابنه الوحيد فهد: