كتاب معجم أسر بريدة

باب الفاء - الفهيد - ج: 17 - ص: 535

لو كان مليانه بها اصغار وكبار ... العين ما تنظر يا كود الشفاةِ

انهارت اعصابي وأنا صرت منهار ... من يوم قالوا: قرة العين ماتِ

لو لاي أنا أدري الناس أدرى من العار ... لا صب صوتي واتبعه بعْبراتِ

لو كان ذا أمر الولي والي الاقدار ... محي العظام الهامده البالياتِ

ستين عام بينابس تذكار ... عندي ولا ساون ثلاث أسنواتِ

في كيفةٍ ما تنتوصف بالاقطار ... يوم السنين اللي مضن قاسياتِ

لي شافتن زعلان كنه على نار ... اتوسع الدنيا عليا بحياتي

ما زعلتني يوم ولا زَعَّلتْ جار ... حلو نباها تقسل سكر نباتِ

عفيفة مامونةٍ سر وجهار ... ماله وصيف مع جميع البناتِ

حياة رب البيت جياب الأمطار ... فلا لها وصف ابكل الجهاتِ

يا عل عظمه ما يجي واهج النار ... ويبني لها قصر من النايفاتِ

في جنة بين الصحابة والأبرار ... يأمر لها ربي بكثر احسناتِ

في جنة الفردوس بقصور ونهار ... تدله وتنسى ما مضى بالحياةِ

وختم كلامي عد تنميل الأشجار ... على النبي بازكي سلام وصلاةِ

وقال حمد بن عبد العزيز الفهيد:

قال الذي عنده تواليف وفنون ... ماهيب توه بايناتٍ فنونه

إلى شقي به لويبي منه مليون ... لا شك ما يلقى أحد يكتبونه

يا أهل النمايم وان بغيتوا تقولون ... ومن كان عنده شي لا تجحدونه

أنا برد اللي تقولون ممنون ... واللي يتبين غير اكسّر سنونه

سيفي عليكم دُبَّ الأيام مسنون ... والسم ما قالوا حَدٍ ياكلونه

ان طعتوا شوري خلوا البير مدفون ... وإلَّا فكِلٍ يلتقي يوم كونه

العرف ما يعرض على اللي يعرفون ... ومن قال انا خير الملا لا تجحدونه

كم واحد يزعم بروحه وهو دون ... مثل الذي تطرف يمينه عيونه