كتاب معجم أسر بريدة

(باب الجيم) - الجار الله - ج: 3 - ص: 15

بْحِلِّ ياللي قعد بالحبس ... لو كان عن قصتي يدري

ما اريد انا غير ركب السِّكس (١) ... لي شفتهن ينشرح صدري

يا زين ممشاه لو له حس ... لي قمت اسولف وهو يجري

يا سعد من هو حلاله فنس ... واوصيك ياللي تبي تشري

وقال صالح بن إبراهيم الجار الله عندما مرضت زوجته وأخذت إلى المستشفى في الرياض:

يا الله يا جابر عزا كل مكسور ... يا خيِّر تعطي عطايا جزيله

اسألك يا مولاي يا خير مذكور ... با واحد كل الملا تلتجي له

يا مظهر يونس من الحوت وبحور ... يا فارج الشذات لو هي ثقيله

تفرج لمن جسمه غدا تقل كافور ... والكبد كنه فوق حامي المليلة

عز الله ان جرحي عميق ومخطور ... على صخيف الروح حالي نحيله

ويا قلب يا للي من علاويه مزجور ... ما ظنتي بالبيض مثلهْ حليله

من قبل انا مرتاح واليوم مجرور ... وش لون انا بأرتاح وهي عليله

يا كيف أبي أدله والغضي عند دكتور ... الشكوى لله ما باليدين حيله

ماهيب بالقوات ولاهيب بالشور ... مير اطلب الله واشحده واستسيله

عسى عوض ما فات لذات وسرور ... الله يمهلنا سنين طويله

يا أبو خليل (٢) افهم ترى الدرب ماثور ... كم من خليل راح يشيِّع خليله

واللي بقي مجبور ياصلهم الدُّور ... كم واحد حَطُّوه حدر النصيله

مير استعن بالله وتراك ماجور ... واللي جزع ما حصَّل الا الفشيله

وصلاة ربي عد ما لاح من نور ... على النبي وعداد مافات غيله

---

(١) السّكس: الموتر - أي الشاحنة من طراز مرسيدس.
(٢) ابنه إبراهيم.