كتاب معجم أسر بريدة

الهاشل - شعره في الغزل - ج: 23 - ص: 43

اليا مشي ما تقول يمشي ولا طار ... ما تميز الأوصاف داخل عجاجه

فوقه بيوتٍ وافيات بالأذكار ... أيضًا سلامٍ (لأبو هاشل) مداجه

سلم عليه وقولةٍ له الي صار ... ماهنا قصيدٍ ينقل ماش حاجه

* * * *

حظي وحظك يا (أبو هاشل) لهن كار ... الكل منهن يستحي لا يواجه

السيل جَنَّبْ زرعنا شفت الأقدار ... حظٍّ ردي وداخلٍ به عواجه

قضبت حَظّي وقلت: علمَّنْ بما صار ... هو بك مرض حتى ندوِّر علاجه

قال: أنت خَلَّك للمهمَّات صبار ... اصبر على ما جاك وخلّ اللجاجه

السيل لي جا زرعكم صابه صطار ... زرع ثليل وان دشّه السيل فاجه

الله هو اللي رزق الزرع بأمطار ... ماهمب عندي تطلعن للزراجه

لي صرت ما تدري ولا عندك أفكار ... اقصر لسانك زود حكيك سماجه

الزرع له ناس قويين الأفكار ... ويرضى بحكم الله ويركي حجاجه

لي صار تال الليل شبَّاب للنار ... دايم حوالي البيت يومي سراجه

ما هم مثلك ما تفارق عن الدار ... يروح نهارك ما تعديت حاجه

قلت: أنبته يا حظ لا تسوي أكدار ... مالي ومالك دايم لك حجاجه

خليتني بين الملاتقل بوسار ... كلّ تنعوش وأنت حكيك سماجه

ناسفٍ لسانك فوق كتفك وهدَّار ... تري ردي الناس عارف خراجه

قال عبد العزيز بن محمد الهاشل في دلة القهوة:

سمعت من الدلة علوم عجيبات ... نوب تضحكني ونوب تبكين

تقول من عقب التمدن لغْبرات ... أبكي على اللي كل صبح توالين

وإلا أنت عماله ضاري للطمالات ... ذليت من الرَّبَّاب تعطيه عشرين

قلت:

نسيتي المعروف ولابك مروات ... هذاك من الصابون صفرا تلوحين