كتاب معجم أسر بريدة

الهاشل - شعره في الغزل - ج: 23 - ص: 44

قالت:

أصلك كذوب وكل هرجك خرافات ... هذاك ما تنثر إلى فدّ بي شين

وتمطع يمين كن توه مسواة ... وربوعك اللي صدقوا لك مساكين

قلت:

والله مالك بالجمايل علاقات ... لا جيت خطو اليوم مشرب تطيحين

قال: بلاي القزعيونه وسيعات ... وتروح لشغيلك وعقب تخلين

كيف أنت ما تصبر إلى طحت زلات ... وأنا عليك اصبر وبالنار تشوين

أنت حلال القوم اثرك مغَبَّاة ... لولاي أنا جيد بشعرك غلبتين

قالت:

أغديك تسمح لي وانا أسمح بما فات ... وإن طعت شوري خل عنك الحواقين

لي صار باكر هات لقمة ومصفاة ... لو كانت الدلة ابميه وتسعين

ومنول أبسكت ولا عندي اسكات ... ما شوف عندك غير حزن وطواعين

قلت:

لا والله إلا تو طحنا بورطات ... خربت اعلومك يوم قمت اتدعين

قالت:

خل المراجل والدروب الصعيبات ... وابتل على ابريق تهشم له اسنين

قلت:

هذاك يا القابه على النار مركاة ... وهذاك من كثر العمل ما تليقين

قالت:

هذاك غيرك ما يهاب الخسارات ... وهذاك راع الطيب ما هوب خافين

وإلا أنت مسكين تحب الزريعات ... وعفت الوظائف والرجال النظيفين

وحظك عمي ولا سعى لك بخيرات ... وجدعك بغويمض مقر الشياطين

والله ما عندك عشير المعروفات ... غربلك ربي ما نغبط السلاطين