كتاب معجم أسر بريدة

(باب الجيم) - الجديعي - ج: 3 - ص: 248

وراك اتفرق بين اعيالي وبيني ... وانا وعيالي بالموده على زين

قلت:

انا بلاي الحين ماهوب زين ... والواجب انك بينهم ما تحيفين

ترى الولد والبنت بالكفتين ... لولا العدل ما صلحن الموازين

قالت لياك تلومن لي لحظته بعيني ... حب الولد بالقلب دائم يبارين

اخاف يطول الليل وانسى جنيني ... همن يجوع ودمعة التي تكوين

والا خواته يرتكن للسنين ... متعودات ما يجوعن بيومين

هذا العلف عند رووسهن جايبني ... يسدهن وطبيق لياك تونين

* * * *

قلت المكر والحيف توه يبيني ... وانا حسبتك يا حلالي تعدلين

قالت:

اسمع كلاما يوم اقوله ثمين ... انا زعلت وصافي الهرج بعدين

حرام عليك إن كان تشرب لبيني ... واتلا التلاوي عند تيسي اتخطين

أطووا اسقاكم لوتبون الثميني ... خلوه توليدي على شان يرضين

قلت الدوا عندي اخذته ابيميني ... اقطع اجرانه يا حلالي بسكين

اندور لبن واثره التيس المهين ... واتلاه يوم انك بديتي اتلاغين

قالت لا تفجعن يا قدوة الغانمين ... حبه بقلبي مخالطٍ للشرايين

خذ العهد مني على كل جين ... ابدي خواته لين ترضى وتعفين

والتيس يصبر من ورا الوجبتيني ... كلش ولاحللت ارويسه يبارين

هذا الصحيح وصافي الهرج ليني ... واللين يهدي لك اصعاب البعارين

قلت:

اللي ظهر من هرجتك وجهتين ... هذا كلامك مير خايف تخونين

وش اللي نقل تيس عن صخلتين؟ ... وش حيثهن يا احول ما هن مساكين

التيس يقول امي بها اليوم عين ... منحوتة عني ولا هيب تبغين

من أول لي جيت يمه تبيني ... تدورن لي ابطيت عنها تنادين

واليوم قلبه صار لمي متين ... كله اسباب اللي من الناس نغلين