كتاب معجم أسر بريدة

باب الدال - الدخيل - ج: 6 - ص: 192

حب الولد خلان افرط بنوعين ... ضاع الجميل وضاع عنّ السماتِ

شكت عليَّ الحال وقلنا تعقبين ... ماجد وزين الروح بهذي الحياةِ

أثريه يالاجواد هيس الرديين ... اللي كسر وجهي بهذي السواتي

نشمية ما لها جنيس بالأدنين ... وحيدة زمانها من جميع الصفاتِ

يوم انها عندي ورزقي مغطين ... متبجحة في لذتي والغناةِ

يوم انها راحت اهمومي تصالين ... وجميع ما عندي سحب للهفاتي

يا شيمة يا ام الزين وانتي بك الزين ... ابي السموحة ما بدر من فواتي

همن على قلبي واشوفه مردين ... أعفي عن اللي فات قبل المماتِ

لي جينا عند الله وجن الموازين ... أبي الكفاف اللي معي راجحاتِ

مالي عذر والله دينٍ ورا دين ... العفو يا شيمة عن الفايتاتِ

قصرت بالواجب ولا عاد يمدين ... والعذر ما يقبل من أهل الغناةِ

زودتي المعروف وقمتي على الزين ... ونسيتي افعول اللي فعل بايخاتِ

ما هو كفو كسر وجيهن الأبوين ... أسبابه اللي ضيعت لي حياتي

وصار والد ماجد ما يرفع طرفه إلى شيمة من الغبن الذي ركبه لما سمعت شيمة الأبيات ردت عليه بهذه الأبيات:

يا بوي لا يكربك شي مضى وين ... لك الجميل اللي مضى وفاتِ

ما انسى جميل فات وابي اوفي الدين ... والحق يبقى يا أبو ماجد ويأتي

ما انسى جميل اللي أرضعتني بديدين ... اللي تولتني اعداد اسنواتِ

وش لون ابنساها وهي اللي تعاجين ... وايضًا تعلمني شروط الصلاةِ

وانا هربت وخفت من ما قع الشين ... سن السفاه يضيع الواجباتِ

وافعالي اللي مستجدات ها الحين ... ما هي جزا لفعالك السابقاتِ

الشكر لله ثم شكرًا لأبوين ... ولاني من اللي ينكر الطيباتِ

لا شك انا حرمة ولا لي جناحين ... وقلبي عليكم يصتفق يا شفاتي

ولا شكيت الحال للي منحين ... والله فلا عمره لفظ مع لهاتي