كتاب معجم أسر بريدة

الدوسري - الدوسري وعرائس الشعر - ج: 6 - ص: 359

إن كان تبينه فهذا هوانا ... متعيش يا بنت من كد يمناه

وقالت: أنا يا دحيم مالي وماله ... عشرين عام كل منامه لحاله

وراه ما يعرس يحطه قباله ... وعشرين عام ( .... )؟

وقلت له: هذا ( .... سليمان) ... رجلٍ غنيّ باصطٍ له بدكانْ

تبيني للي عسى الجيش يفدان ... تبيني له يعجبنّك سجاياه

تقول: ونعم به ولا شك طمَّاع ... التمر عنده يأخذ الحول ما باع

ما آبيه لو كان الذهب كيل بالصاع ... يا دحيم مالي به ولا لي بطرياه

قلت له هذا (دخيلٍ) يتمناك ... ابوسليِّم يا اريش العين ملفاك

لا تنجهين اللي تولَّع بطرياك ... لا تنجهينه يعجبنَّك سجاياه

قالت: ونعم به ولا أقول: ما آبيه ... رجل غنيّ بالصخا دون عانيه

أخاف من دوني يغلَّق مجاريه ... خله على العازات وان جيت نلقاه

وقلت: يا بنت هيا لجاره ... ماهوب ينشد عن كثير الخساره

رجل غني مولع بالتجاره ... يقول انا ابي اشري ولوزاد مشراه

وقالت: ونعم به ولا شك جيفه ... يا دحيم انا ما أبيه نفسه كسيفه

يأخذ زمان ما يذوق الطريفه ... راع الزراعه ما تلذذ بدنياه

* * *

البارحه في مرقدي ما تهنيت ... يا بنت خليني وانا منك مليت

من جيتك لي حارب طبة البيت ... لي قلت انا هذا تقولين: عفناه

تقول: اصبر وراعي الصبر ماجور ... الأجنبي بديار الأجناب مكبور

ما تشوف دمعي فوق الأوجان منثور ... على وزين الروح يا وين أبي ألقاه

سَنِّد مع المجلس وعجل بممشاك ... وسوق الرقيبه جَنِّبهْ وأيت مِنَّاكْ (١)

من عند ابن عمار حطه بيمناك ... من عند دكانه ولايَّاك تنصاه

قلت: الشديف كان لك بالحمايل ... أهل الصخا والمرجلة والجمايل

اخترت انا لك من كبار القبايل ... من روس قومٍ جنسهم وين نلقاه

---

(١) من هناك.