كتاب معجم أسر بريدة

الدوسري - الدوسري وعرائس الشعر - ج: 6 - ص: 360

قالت: ونعم بهم فروخ الحرارا ... كل الشديف صغارهم والكبارا

ما اسبّهم لا شك انا بالخيارا ... والعبد يمشي في تدابير مولاه

وقلت أنا ما لي بكثر الدوادي ... عديت لك كل الخلايق عدادِ

مير اركبي هيا لسوق (البجادي) ... واللي يبي قلبك عيونك تحلَّاه

وقالت:

سوق (البجادي) كِنّهم مشرك الجوف ... ما به طعم لو زَيَّنَوا فوقه الحوف

ان كانك مكذبني بهم حقق الشوف ... كريمهم ما يشبع الضيف لي جاه

وقلت له هيا لسوق (الجبالي) ... لا تقطعينن يا حسين الدلالا

تفقديهم كلهم بالكمالا ... ضعيفهم حمله من الزاد يقواه

* * *

قالت: انا ممنون عيني تراعيه ... ما أمِلَّ هرجه ولا أمِلَّ طاريه

ما دامت الدنيا فلا القلب ناسيه ... واللي يود القلب ماهوب ينساه

قالت:

وهذا تعرفه شيخ العقيلات ... راعي الصخا والمرجله والمروَّات

عندي وكلّ له مع الناس مشهاة ... ومن الكرم يا بنت ما صَكَّ مجراه

قالت: وش اسمه؟ قلت لها: الحميه ... (محمد الربدي) علومه طريه

اللي على الضيقات يرفع خويه ... لي شق شق يا اريش العين يرفاه

قالت: أنا من بر فارس بلادي ... أمشي وانا أشبر حضرها والبوادي

جيتك على شانه وهذا مرادي ... حلفت بالله عمري ما تعداه

لا شك أنا بيدك سواة القزازه ... انا بليتك وأنت راعي خرازه

لي صار باكر فايت واطوي جهازه ... وبأمانة اللي كلّ حيٍّ تَرَجَّاه

ومن شعر عبد الرحمن بن محمد الدوسري:

دنيت من ترثة عبكلي مطيّه ... حمرا فتاة والعصا ما تدانيه