كتاب معجم أسر بريدة

باب السين - السعيدان - ج: 9 - ص: 527

ولسعيدان ... السعيدان هذا قصيدة سائرة في المقارنة بين الزوجات يرويها الناس وأكثرهم لا يعرف قصتها، وقد حدثني بقصتها عبد الرحمن الربيعي عن والده إبراهيم الربيعي من أهل عنيزة قال:

سمع سعيدان السعيدان امرأة تتكلم على زوجها بصوت عالٍ وبشدة تقول له: أنا قلت لك قبل هالمرة ترى ما بقي عندنا من العيش إلَّا اللي يكفي شهر، ولا جبت لنا عيش تبي إلى ما يخلص اللي عندنا.

وها الحين أقول لك واعلمك، ترانا ما عندنا من العيش إلَّا اللي يكفي الشهر، لا تخلينا بلا عيش.

فكان يرد عليها بتؤدة ولطف يقول: يا بنت الحلال، بعد شهر يحلها حلال، والله ما معي ولا بيشيلية منين أجيب دراهم اشري بهن عيش هالحين؟

قال: فتعجب سعيدان من ذلك، وإذا صوت رجل يقول لامرأته: وفِري العيش يا فلانة ترى ما عندنا إلا الي يا الله يكفينا شهر، لا تضيعونه مثل المرة الماضية، فتقول له المرأة: يا أبو فلان، عندنا اللي يكفينا شهر، وبعد الشهر يحلها حلال، تقول ذلك بتؤدة ومودة؟

فقال سعيدان في الفرق بين الزوجات:

احدٌ عنده عَدرًا زينه ... قاعد منبسطْ في داره

إن جَاب شْوَيّ قَنْعَتْ به ... وإن مَا جاشِيءٍ عَدَّارهِ

واحْدٌ عنده عشبة غار ... انطل من عنطل جواره

يسمع حِسَّهُ من بالمجلس ... تزجر كِنَّه في مِنْطاره

عساك ما تبلي بمِثلَه ... أجارك ربي بجاوره

وحمد السعيدان (ابن الشاعر) كان واعظًا على طريقة أبيه، ومات في بريدة وانتقل ابنه حمد إلى الكويت وصار من أهلها.