كتاب معجم أسر بريدة

باب السين - السلمان - ج: 9 - ص: 604

دومي عليه اسبوع واسبوع بادراج ... وقت الضحى وش يمنعك عن شراها؟

دومي عليه ولا يجي عندك احراج ... وقت الضحى للترف ياما حلاها

لي صاروا عيالك بالمدارس بها افراج ... الشاهي والكراث وخبز وراها

يالي تبي الصحة احظى بالأنهاج ... مخابز السلمان هي مبتداها

به النظافة واللذاذة والانضاج ... هو غاية المطلوب للي بغاها

مخابز السلمان صارت هي التاج ... من طيب راعيها تبين حلاها

من حمد ربي يوم فازت بالانتاج ... وبريدة اللي تبتهج من وراها

ظنيت لو تضرب بعيدات الافجاج ... والهند هي والسند واللي وراها

ما تحصل مثله لو تماديت بدلاج ... شي مشاهد ما يبي من وراها

قلته وانا ماني ضعيف ومحتاج ... ولاني من اللي يلحقه لي قراها

لا شك اعد الحق ولا نيب سذاج ... للي يبون الحق واللي يراها

ماهي سواليف تجمع او اهراج ... والبهرجه ماهيب تجدي، تراها

حطوا مشاريع الوطن تنتج انتاج ... لاجل المنافع مطلوبة من وراها

فضائل السلمان بانت للأزراج ... أهل القلوب المبصرة هي تراها

رهائف ما صار مثله ولا داج ... مع النظافة واللطافة غذاها

عساك يا السلمان مايجيك الإحراج ... وعساك بالجنة وتقطف نماها

صلاة ربي عد ما فاض حجاج ... على نبي نازل اسمه بطه

وقال الأستاذ الشيخ صالح بن سليمان المقيطيب:

كلمة قصيرة عن الشيخ صالح بن عبد الله السليمان ويتلوها أبيات تعبر عن بعض أعماله وفضائله التي بها استحق الذكر والثناء، فالشيخ صالح السليمان وجيه من وجهاء البلد، وعلم من أعلام بريدة اشتهر بالكرم والتواضع وحسن الخلق كان محبًا للخير له مساهمات متعددة في كل مجال من مجالات الخير والإصلاح وكان محبًا لبلده وأثبت ولاءه بتوظيف نفسه وماله وولده الخدمة بلده، وأصبح بحق مواطنًا صادقًا يستحق الذكر والثناء أثبت ذلك الحب