كتاب معجم أسر بريدة

باب الطاء - الطريخم - ج: 13 - ص: 274

وتمتعه فينا إلى يوم نلقاه ... وتفسح له الدنيا بعين البصيره

حيثه على المشروع والدين مبداه ... منذ نشا ما خالف الشرع أميره

جميع مأمور عن الحيف ينهاه ... يقول له حط الشريعه ذخيره

الله أيديمه للمخاليق يرعاه ... ويلحق له الاقطار خير وخسيره

ومن شعر علي بن محمد بن طريخم في أغراض أخرى قوله في وصف العشق:

الهوى راعيه يتعب ... دايم في راس مرقب

من كؤس المر يشرب ... ما تشوف إلَّا طردانه

الهوى ماهوب هين ... مخلفٍ رأي المدبِّن

الهوى راعيه بين ... لو ركض ما فيه خانه

يخلفه ظبي الحماد ... ما تهيا له مرادِ

مشتحن من غير قادي ... دايم قلبه رهانه

دالهٍ في حبهنَّ ... ماجداه إلَّا يْتمنَّى

والبني ما يصدقنا ... عارفات للخيانه

ما احدٍ بالحب مثلي ... صاحبي ناوي بقتلي

ليت خلي يلتفت لي ... قبل ما يقضي زمانه

ناوي باتلاف روحي ... جازم عمري يروح

من هوى غذرا طموح ... النفس عنده امانه

يا هلي بكتب وصيه ... قبل ما تدني المنيه

صابني طفل بغيّه ... صاب قلبي في اسنانه

لي مشى في ثوب خاره ... البدر لبَّة ازراره

زينها من زين ساره ... مع ابرهيم وزمانه

ليت من يلقاه خالي ... لو غدا في كل مالي

لو يطالع ما جرى لي ... رحم حالي من أوانه

ينعشن لو بس حبّه ... يأخذ أجري عند ربّه

ذبّني في وصط غبّه ... خانني والله خانه