كتاب معجم أسر بريدة

العوني - العوني في الكويت - ج: 16 - ص: 307

قالوا بوتركي داركم وانتو بنا ... بارياه واسبابه ابليل سربنا

والصبح صبحنا اديار تبينا ... دسنا بهم معنا على الموسم الحار

جينا وابن ضبعان بالقصر حارب ... والشيخ جانا قال كوده ابقارب

ابي وعيا لاهس للتجارب ... والله له شان بحكمه اوتدبار

قمنا بحربه فوق تسعين ليله ... ولا قدرنا بالأسباب حيله

اغرآه عرضه والمباني طويله ... واللي يقول بكلمته: نار واجدار

قمنا ومدينا عليه السراديب ... واختل وايقن بالردا فساين الشيب

نادي بعفو شيخنا له تجاريب ... ما يقطع الداني ولاهوب غدار

حوّل ابوجه ما تنقض عهوده ... ماهوب وجه معزبه ما يقوده

( .... )، وسبهان او ناصر شهوده ... انه نقيّ وافي ما بعد بار

يوم ابن ضبعان نطق تقل ( .... ) ... قام ابوتركي ما حسب للمخاسير

نبب لنجد وصار عنده تدابير ... نوه يبي حايل مقيظ ومصفار

والى الرشيد او شمر مستعدين ... بالحرب لو قالوا جنوده كثيرين

ولا درينا باحتراك السلاطين ... جونا ابهّمات عظيمات وكبار

زود علي شمر او سكان حايل ... زآدوا بترك مثل سود المخايل

عساكر ماتفتهم قول قايل ... خمارة تضرب اطبول او زمار

يوم ان أبو متعب نحاه أبو تركي ... عن نجد حط اجموع الأتراك مركي

عاف العرب واسموتهم صار تركي ... حتى بعد بلسانهم صار بيطار

يوم انها ضاقت عليه المساعي ... وانزآغ قلبه من قنيب السباع

غدا لهل حمر الطرابيش ساعي ... ينقل حوايجهم او بالليل نَطَّار

يبغي بهم حكم وهم حاكمينه ... ما اعتاد من قبله حد ( .... )

اقضوا خزونه والدبش والظعينه ... ما بينوها له على وقت الأثمار

جانا بهم يمشي كبار اعزومه ... نزل اقصيبا وارتحل فيه زومه

يوم اشرف المرقاب هانست اعلومه ... طالع أو شاف أو عاف من بعض الأشوار

اقبل يبي سهلة بريده مقرّه ... لكن وآجه طارش واستقرّه