كتاب معجم أسر بريدة

العوني - مقطعات للعوني - ج: 16 - ص: 354

سلامًا مع رجل من أهل الربيعية قال:

كريم يابرق سري استخيله ... على الحفر كنه سواة العناقير

يزي فياض وقَفَتْ بَهْ (عقيله) ... تلقى حليِّ شْفِبها (١) بالدواوير

يا طول ما جابن لك الهجن سيله ... وجعله على دار المحبين يا عمير (٢)

اللى عني لي بالدجا ينعي له ... الله يذكر من ذكرناه بالخير

يا عمير كان انك مسقي صميله ... اركب على حر براسه زعاطير

اسبق من اللي شم ريح الفتيله ... وخَفَّق مع الريغا مثل خافق الطير

قال محمد العوني:

قالوا علامك؟ قلت يا ناس ناسي ... ازريت اميز ما ظهر من بالقيس

جتني تخطى كن فيها نعاس ... تركي على القلب المشقَّي محاميس

بياض جلده ساطع بالْوَراسي ... شبهت انا جلده مثاني قراطيس

تكد مجدول ينوش اللباس (٣) ... يشبه غدير جاه بعض النسانيس

وقال العوني:

لي صاحب ما قف طريق مقره ... بين الجبال النايفه والزباره

عسى الروايح كل ما انْشَتْ تمره ... وعسى المطر يمطر على سطح داره

اللي سقاني من شفاياه مره ... أزَّى عروق القلب واحيا ثماره

واصبحت كني حاكم بالمجره ... حيثه مشرفنا على كل شاره

ثوبه حرير وفوق وركه يجره ... وبياض جلده ساطع في حماره

والعنق عنق اللي ربع بالمجره ... عَنق العنود اللى تلنه جْفارَهْ

---

(١) أي شبيه شفتيها في زهور الرياض.
(٢) عمير العمير من أهل الربيعية.
(٣) اللباس: السروال.