كتاب معجم أسر بريدة

العيد - سليمان العيد الشاعر - ج: 16 - ص: 443

مزن ثقيل شلت جله اناشيل ... حمل على حمل وعجزت اقوم

يا الله لحكمك خاضعين مذاليل ... وعليك نشكي لي اضهدتنا الهموم

من لاذ بك ما خاب يا مجزل النيل ... يمشي عزيز لو اعظامه لهوم

ضاق الحشا من هاجس بأول الليل ... والقلب من غمرات الأوهام يومي

عيني واحس بجفنها كالسماليل ... سهر إلى ما تستدير النجوم

على الذي تعللت بأول الليل ... وقامت بحاجاته مثل كل يوم

الصبح جاها الحق ما به تماهيل ... تمت اخطاها والرحيل محتوم

قل لمن جنسه قليل بذا الجيل ... خضرا لمن عناها تسر العلوم

ما دلت الوسعة وسوق الرجاجيل ... ولاقط يوم سيرت له لزوم

ترفعت عن جملة القول والقيل ... أمضت حياته ما اغضبت ربع يوم

عساه بالفردوس ماتسمع بويل ... في مامن يوم الخلائق تقوم

البيت طفيت شمعته والقناديل ... على صغار ما تعرف العلوم

أحمد صغير لصدمة الحزن ما يشيل ... عقب الدلال اصبح يتيم بيوم

على بعصر القلب لي صاح بالليل ... لي صاح يايمه يبيها تقوم

البنت فطيم المستحيل المحاويل ... مطلوبه اللي تبي صار معدوم

باقي العيال دموعهم كالهماليل ... والزاد وما والله يهم من يقوم

عيال لو انه ببيع وتبديل ... جبناه لو انه بغالي السلوم

الله لا سوق المال والجاه والحيل ... وقدر ثمان سنين والله لاصوم

قفت كما يقفي نهار عن الليل ... طيف يخايلنا بعز الحلوم

انا الحزين انا مرد الغرابيل ... انا حميت غبنكم والهمومي

قلبي لكم مرتع وعيني مداهيل ... وانا الذري عن بردكم والسموم

* * * *

يا رب وش غيب الليالي المقابيل ... ياليت غيبه ينكشف لي بيوم

حتى اخوض بموج بحر تهاويل ... الليل غدرا واختفن النجوم