كتاب معجم أسر بريدة

ومن أسرة البليهي - الشيخ عبد العزيز بن محمد بن إبراهيم البليهي - ج: 2 - ص: 384

أجوال الظبا اللي حدت القايده للجال ... رصاص المتوسع بالشواكل منقشها

طرقها (بليجيكٍ) تحق الهدف لي زال ... تذب الفشق مع جنبها الرود ينتشها

أكيل الروابع لين تصفي على المكيال ... أخاف السنين تبلشن في بلايشها

أنا أذل من حنك علومه تروح طوال ... يعلج العظام وباقي الهبر عارشها

يخليك صورة للخلايق نقل تمثال ... سواة المجله كل خبلٍ يفتشها

خبيث الفواد اللي علومه ما هيب ثقال ... إلى مرّه الطرقي علومه يطرشها

عليك بنقا من مهدفات الحيود جبال ... إلى ضاق صدرك يا عميلي تغربشها

ترى الطامن الهين ما هو مدهل الأبطال ... عليك بلحاليح تشَوّق لوالشها

رفيقٍ تغير يوم شان الزمان ومال ... يبي المرجله وازري الضعيف يتناوشها

تبي تفترج لو سكروا دوني الجوَّال ... نفوس الخلايق ربك أللي يعيِّشها

حبيبٍ يحبك مير صار الغلا قتَّال ... وهو فرشته دايم على الجنب يفرشها

أنا في ذرى اللي ساق وبل المطر بخيال ... ونفسن خلقها ربها ما يْعَطِّشها

زمانٍ به الرشوه مشت مشية الخيَّال ... انا اشوف لي ناسٍ تغمِّض وتقرشها

أنا في سراب القيظ ما نيب حول ظلال ... أغبط الكلاب السابعه في ولايشها

زمان صفق عيني ودمع النواضر سال ... صفقني علي عيني وهلت نواطشها

صفقني على عيني وكدر علي البال ... تتوق النفوس وظاغط الوقت مدهشها

أنا على ما تنتعالج عضيض سمال ... أبو ذيل حد الليل بناب نايشها

بغيت الركوب وطحت طيحة ردي الحال ... بدرب الركاب اللي تنهض نواجشها

وساع المناكب والمقافل تقول هلال ... تفوج الدروب وحامي القيظ حايشها

وقال:

القصيدة مهداة إلى: محمد العبد الله الجبري:

أنا كني اللي طاح في حومة المضماة ... تلقَي الخلا واقريبته يابس الشنه

لفحه الهوا بجنوب هجن وهن طفقات ... تفتق اخرازه وانفجع واختلف ظنه