كتاب موسوعة القبائل العربية

عنزة - إهداء - ج: 4 - ص: 561

[إهداء]

بمناسبة أول زيارة إلى الشيخ/ محمد التركي صاحب هجرة ضويل وكانت ثالث أيام عيد الفطر المبارك عام ١٤١٦ هـ، وهي مدح له من الشاعر عبد الله الشعيل الخيبري:

لفيت للي لا لفي داره الضيف … نهض وحيّا بالمحيا معاها

محمد التركي العلم بالطواريف … وأبًا عن جدٍ بالمدن من علاها

قلطني في محل حلو التواصيف … حاوي تراث حضرها مع بداها

ومن المعاميل الصفيفات تصفيف … درج من مرها علي وحلاها

وترحيب مستمر ويهلي بتلطيف … والمدخنة بالعود الطيب ملاها

نعم الرجل أضفاني عز وتشريف … وكرامةٍ من الولي له حباها

وهديته لعيالي رشاشٍ وسيف … عطيةٍ مايقصد قصدٍ وراها

قلت العفو قلي يا حيفاه يا حيف … ولقد رت أمانعه هديةٍ هداها

أفضاله شايعه ما تحتاج تعريف … شهم الرجال النيفه واكرماها

ولوانّي شاعرٍ مليت ألمظاريف … لفعايله مدحًا ولا الحق مداها

عن ما سمعنا واللي بأعياننا شيف … شهادةٍ نطلب من الله جزاها

ودعاي النصر والمات الرفاريف … أقدامه عسى الله يثبت خطاها

ويوفقه ويقيه اشرور الصواديف … نصر خيبر ونصر كافة قراها

ومذكور دايمًا بزين السواليف … ويرف راسك وراسي حامي حماها

هذا واقبل ما قلت من قلبٍ نظيف … هديةٍ مني اتحوز برضاها