كتاب موسوعة القبائل العربية

عنزة - قصيدة قيلت بالشيخ علي ابن تركي ابن صالح الأيدا - ج: 4 - ص: 563

قصيدة قيلت بالشيخ علي ابن تركي ابن صالح الأيدا (١):

هاض الخفوق وعانقه هاجس الليل … وزان القصيد اللي معه خاطري سال

وقامت حروف القلب تكتب مراسيل … وعنت وخلت هاجس المدح مرسال

لبو طلال القلب صخر تماثيل … مثايلًا عنت على المدح موال

شيخًا زهاه المدح بين الرجاجيل … والمدح يزهي كامل العرف رجال

الشيخ ابن تركي رفيع المنازيل … اللي على درب الكرم صار مدهال

طيبه يجمل صفحة البوك تجميل … وحتى القصايد ودها فيه تنقال

فيه القصايد تفتخر والتعاليل … وكل القوافي لا طرى الشيخ تختال

في سيرته صدري غدى كنه السيل … من كثر جولات القصايد والأمثال

وجتني حروفي تطرد كنها الخيل … وكل القوافي مهرة تحت خيال

تبغى على ذكره تسوق الفناجيل … وتسقي على صيته بالأشعار فنجال

يابو طلال اسمك ترى شرف القيل … عالي مقامك وأعتلت فيه الأمثال

يا شيخ أبكتب في قصيدي تحاليل … وأكتب علومًا ما يجي حولها إجدال

وأمدحك مدحا ما يجي فيه تضليل … شعرًا يشرف شاعره حين ينقال

وأنا على مدحك لقيت المداخيل … ومن طيب طيبك جاز لي كل مدخال

بالساس ساسك واصلًا له مواصيل … من روس قومًا صيتهم ما بعد زال

شيخًا من اليديان خزامت الفيل … اللي لهم صيتًا على راس ما طال

---

(١) للشاعر: عوض محمد القطياني.