كتاب موسوعة القبائل العربية

مزينة - قصيدة أخرى للعسيلي - ج: 1 - ص: 702

مثل فاقد الإحساس من كل ناحيه … يسكت لو إسكاته يسبب فشايله

لا مفرح الصاحب ولا مغضب العدا … ولا فاعل طيب ولا هو بنايله

وها النوع لا تشد الظهر في مواقفه … عسى عاصف الغربي يفرق مخايله

تجنبه حتى تجنب مشاكله … والايام تكشف لك نتايج عمايله

وتم الكلام بذكر من يعلم الخفا … الواحد اللي ما تعدد فضايله

[قصيدة أخرى للعسيلي]

هم الرجال اللِّي عليهم حسوفي

يالله يا الحي الكريم العطوفي … يا منشي مزون يعزل هللها

بحسناك يا رازق خشاش الكهوفي … انك تصون نفوسنا عن زللها

يا عالم ما يحيطنا من ظروفي … يارب ميلات الزمان تعدلها

وقت ساوت به جميع الصنوفي … ما ينتميز هيلها من بصلها

اللي من اول مركبه بالردوفي … هو ليه ما يكب الا شدة لاهلها

ياحمود شفنا اللي عيونك تشوفي … والناس يعميها هواها وجهلها

لا تصير في زلة خويك زهو في … الناس زلات الخوي تحتملها

والصبر في كل المواجيب يوفي … وعواقبه يرغب بها من فعلها

الاوله قل جعلها بالذلوفي … والثانية ميز مداها وحولها

والثالثه عليك بالك تطوفي … اقطع توالي شيمة ما قبلها

الشجرة اللي ما غذاها مخلوفي … اقطع ورقها قبل يطلع سبلها

وعن صحبة الانذال خلك عزوفي … وابعد عن انذال كثير حيلها

ناس عن العثرة تدق الدفوفي … أهل النفوس اللي على الشين ولها

إن شفت منهم يالسنافي احفوفي … خلك عزيز وكلمة الحق قلها