كتاب موسوعة القبائل العربية

[من ديوان الشاعر فهاد مطلق الجافور العازمي هذه القصائد النبطية] - (يا أبو محمد) - ج: 5 - ص: 721

[(يا أبو محمد)]

أرسل الشاعر حامد عبد الله العتيبي من المملكة العربية السعودية هذه القصيدة للشاعر فهاد بن جافور حيث قال العتيبي:

يا أبو محمد كل مطرود ملحوق … نسعي ورا الدنيا وتسعي ورانا

حِنّا نبي المرقا على الناس من فوق … فيما يجوز إلنا ويرفع غلانا

واليوم شفت من العواريض صافوق … مهيي لنا قدام يكثر بلانا

زاد المعاش ونأخذ الطاق مطبوق … والرزق عند الله يجي من سمانا

كم واحد يضحك لنا زين منطوق … ما فادنا يوم المعلم شكانا.

[(يا حامد)]

رد الشاعر فهاد بن جافور على الشاعر حامد عبد الله العتيبي قائلًا:

يا حامد الدنيا بها خير وصفوق … واللي ذكرتم بأول الوقت جانا

كم ليلةٍ قلبي من الهم محروق … والزاد لين قلط لنا ما هنانا

واليوم من فضل الولي ما لنا عوق … كثرة مصالحنا وتفي شقانا

وإن ما حصل من راعي الدين مفهوق … اجني وفرحكم بفعل ازملانا

حنا برجوى من خلق كل مخلوق … من رحمته لا خيّب الله رجانا.

[(جعل الوسامي)]

أرسل الشاعر رجا بن فزير العازمي هذه القصيدة للشاعر فهاد بن جافور قائلًا:

البادي الله قبل قولي ومبداه … ذكر الله البادي قبل مبدأ الأمثال

جزل العطا اللي تسجد الناس لرضاه … علام بالخافي مربّع بالامحال

جعل الوسامي بالوطن ينثر ماه … لين البذيرة نبتها يظهر أشكال