كتاب موسوعة القبائل العربية

بعض أشعاره وأخباره - المساجلات والمعارضات بين الشعراء - ج: 9 - ص: 216

لا شك من دنيا كثيرًا خطرها … وأشوف بعض الناس عنها يغفلون

لاحظت ناس ما عرفنا سيرها … يوم تضحك لك ويوما يصدون

أزريت أميز وين وجهة نظرها … لا قول ذا صاحي ولا قول مجنون

وناس على النمة أطوالا شيرها … تتبع طريق ابليس وابليس ملعون

يأهل النمائم ما سمعتم نذرها … يا ويلكم ياللي جداكم تنمون

اللَّه بالقرآن بين خبرها … يوم القيامة في جهنم تجرون

وناس على لدنين تشهر ظفرها … وفي غيابهم بأعراضهم ما يجوزون

وناس على الجيران طارف قشرها … اللَّه يذل اللي على الجار يخطون

وناس عن الدليل معمي بصرها … ما يسمعون القول مهما يقولون

ما تسمع العذال مهما نهرها … وعن الصحيح اللَّه ومرهم يتيهون

ثقال النفوس اللي جهلها دمرها … عمى القلوب اللي على العكس يمشون

ما ميزوا ليل الدجى من سفرها … يمشون بعكس السير من غير قانون

وناس تبيع البنت بأغلى مهرها … واللَّه ما يرضاه ياللي تبيعون

دمر بيوتًا عامره ما عمرها … يقضي حياته بين دائن ومديون

ومن ناسب الطيب خلوله جبرها … ومن ناسب الأنذال بيموت مغبون

والطيب نوفاء عاليات زبرها … يصعب على بعض البشر فيه يرقون

ولا تستوي لأرض الدماث وعرها … ومن يطلب العليا فلا يقبل الهون

ذا قول من بعض المثايل ذكرها … واللي بقي يلقى رجال يسدون

ولا قلت أنا العارف وفاهم بشرها … ومن يدعي بالعرف غيره يعرفون

اخترت عما طال قطفه زهرها … وحكمت فيها اللي من الناس يوحون

وأرجو السموحة عن قصور قصرها … إذا نقص شي عساكم تعذرون

وبسم الولي مبداي وآخر خبرها … الواحد اللي نزل الكاف والنون

[المساجلات والمعارضات بين الشعراء]

ما قال تركي بن حميد شيخ عتيبة في محمد بن هادي:

يا زبن ولم فوق ما يطرد النوم … حراير يا زبن مثل الأهله

ملفاك يا شيخ بالقسا يذبح الكوم … شيخ وشيخان القبائل تدله