كتاب موسوعة القبائل العربية

مزينة - الشعر النبطي لشعراء مزينة المعاصرين في المملكة العربية السعودية - ج: 1 - ص: 700

نفس تتوق الذبة الرجم ساعه … وتجاوب القمري على راس طايله

والرجم عدوا فيه قبلي هل الشقا … وكل بشانه ما تعويل عبايله

عدوا به الشعار قبلي وغيرهم … ومن واق راس الرجم هاضت مثايله

واختار من الأمثال ما شاق خاطره … وكل على شفه يوجه زمايله

أحد تجي شكواه من ميلة الدهر … واحد بمحبوبه يوصف جدايله

واحد يصارع له مشاكل بضامره … وهمه تقل من راس طعس يهايله

واحد يشوف من اهل الوقت ريبه … ويشوف له سيل سواقيه عايله

وأنا اليا نظرت أصحاب وقتي وخيمهم … أشوف الزمان الّي تهول هوايله

واخترت الطريق الصعب عن عشرة الردي … وتركت الهزيل ولا ترجيت ظايله

ضعيف الإرادة تضعف النفس صحبته … ورفيق الرخى متوافرات بدايله

رفيق الرخا ما ترفع الراس فزعته … عميت عيون بالموده تخايله

اليا صار حيله ما يوصل حبالك … وقت السعه من ما انته بحاجة جمايله

خله يولِّي واطرد الهم بالنجم … واظروف القسا لا بدها بيوم زايله

وصبرك على الشدات وسيلة الفرج … والهرج يكفي عن كثيره صمايله

وإن صرت مختزٍ من الناس صاحب … عليك بمن كان الكرم من شمايله

اللي اليا شاكك من الوقت معضله … يشيل الحمول اللي سواعدك شايله

شجاع رفيع النفس عن موطن الدنس … بعيد النظر ما بتنتحايل محايله

كما شامخٍ يوجد به الظل والذرى … يذريك عن قارص ولاهوب قايله

صديق صدوق صادق السر والعلن … سليل الرجال اللي تنومس سلايله

حليف الندى يأبى جنابه عن الردى … ولو اندثر مجده يجدد سمايله

عليك في هدَّاج يا طالب الروى … والرِّس خله لا تغرك نثايله

الرِّس ما تشد الرحال المناهله … ومران ما صك القطين بثمايله