ص278 - كتاب موسوعة القبائل العربية - القهوة

<< < ج:

ص: > >>

هذه قصيدة للشاعر غالب بن فتنان الروقي القحطاني قالها في القهوة:

تكفون شبوا ضوكم يا رجاجيل … جيبوا حطب وانا باجيب جرحيه

برية يا شهيل وبهارها الهيل … واللي يسويها يمينه طريه (١)

يوم الردي لا سال عنها ولا سبل … يفنى وغاية همته سندريه

مقيس ماها ثلاثة فناجيل … في دلة من سوق شقراء عذيه

ماها قراح من هضاب شهاليل … من هضبة ابن حويل والا الوجيه

قصيدة حويدي العاصمي في ابن كليب الهاجري في القهوة:

راسي اللي موجعاته شكاياه … من الشمس يبغي كيفتن في الظلالي

وان كان تبغي الكيف واللي تمناه … وتبغي الشحم ومبهرات الدلالي

عليك يا بن كليب علين وتلقاه … بيته الا جيت الجماعة موالي

لا مدوا المبراد ياتيك بملاه … ما قال هيد يلحقه كل تالي

الهيل والمسمار يغلون مشراه … والزعفران اللي من الهند غالي

ليته ولد عمي وأنا من دناياه … اليا ارتخت رجلي وكربت حبالي

ويقول عليان الناصري:

قنب قتيّب الذيب من راس قاره … عشعوش طير بالجناحين خفاق

اسلومنا ما حن نعرف السجاره … واسلومتا ما حن نعرّف التبرداق

الراس يبغي كيفة بالشطارة … عيارة معي اللي للنواميس عشاق

عياره معي اللي شبْ ضو المناره … ويصك نجرًا للمناعير مشتاق

سعد الغريب اللي بعيدٍ دياره … لما أقبلت حبل السراجيف خفاق

قبائلٍ تنطح ضيوف الخسّارة … مراجلٍ تعبى معي حسن الاخلاق

اللي كساه الشيب تثنى وقاره … واللى كساه الذل معهم فلا يباق

من نسي من ربعه حياته خساره … ما يلتهم للنفس قدر ومعلاق

ان عاش راسي جيتهم بالسباره … مضنون عينى من وراء كل بواق

وان مات راسي ما عليهم خساره … عمرٍ درس والحظ في محلب راق

من بعد ذا ذكر النبي يا حظاره … صلوا عليه اعداد ما هل براق

(١) برية: البرية من أجود أنواع القهوة العربية.

<< < ج:

ص: > >>